tilsetjing i kyrkjekultur vest

Ole Albrekt Nedrelid (40) er tilsett som prosjektutviklar i Kyrkjekultur Vest. Han starta i stillinga 1. april og er selskapets første og einaste tilsette. Nedrelid har tidlegare arbeidd for mellom anna Festspillene i Bergen, Musikkfondene, Oslo Internasjonale Kirkemusikkfestival og Nasjonal Jazzscene. Han skal ta kultursatsinga vidare gjennom å bygge kjennskap til Kyrkjekultur Vest, bygge nettverk og relasjonar til andre kulturaktørar og freiste å sikre eit økonomisk fundament for selskapet.

«Styret er svært heldige som får Ole Albrekt med på laget. Hans kjennskap til kultursektoren kombinert med erfaring frå søknadsskriving, økonomi og administrasjon, er akkurat det vi treng i denne fasen», seier styreleiar Sissel Vartdal, og legg til: «Eg trur Kyrkjekultur Vest vil styrke si rolle det neste året, det ligg eit uforløyst potensial i samspelet mellom kyrkje, kultur og samfunn. Med den nye prosjektutviklaren har selskapet løfta både ambisjonar og framtidstru», avsluttar Vartdal.

Foto: Privat